22
Drejtoresha për Kulturë, Rini dhe Sport znj. Ilire Kelmendi Shema realizoi një takim me z. Imer Hakaj, drejtor i Agjencionit për Menaxhimin e Monumenteve dhe Komplekseve Memoriale. Në këtë takim u diskutua për rëndësinë e ruajtjes dhe mirëmbajtjes së monumenteve dhe komplekseve memoriale në Komunën e Obiliqit, si dëshmi të historisë, sakrificës dhe krenarisë sonë kombëtare.
Po ashtu, u theksua roli i dëshmorëve dhe martirëve të kombit, të cilët me veprën dhe sakrificën e tyre lanë gjurmë të pashlyeshme në historinë tonë. Ruajtja e këtyre komplekseve memoriale mbetet obligim institucional dhe moral, në mënyrë që brezat e rinj të njohin dhe të kujtojnë gjithmonë rrugën e lavdishme të lirisë.
Zyra për Informim, Obiliq.
