Sot u përurua Parku i Energjisë nga Era në Zatriq të Rahovecit, me kapacitet mbi 70 MW, i mjaftueshëm për 45 mijë familje.

Pak më poshtë, në Kramovik, po ashtu në Rahovec, është duke u ndërtuar parku solar me kapacitet 100 MW.

Edhe riparimi gjeneral i njësisë B1, që po ndodh sivjet, dhe riparimi i njësisë tjetër, B2, që ndodh vitin e ardhshëm, do t’ua rrisin kapacitetet për 80 MW.

Bashkë me ndërtimin e parkut solar prej 100 MW në ambientet e KEK-ut, Kosova praktikisht do t’i sigurojë nevojat e veta për energji, pasi pritet që brenda dy viteve të ardhshme të ketë kapacitete prej së paku 350 MW më shumë.