Sipas informatave që kemi, ai është prej të parëve që vjen në Komunë dhe prej të fundit që del, duke punuar për qytetin dhe qytetarët. Por puna e tij për Obiliqin nuk ka filluar sot. Ai ka ndihmuar qytetarët edhe si njeri i thjeshtë, pa pasur asnjë pozitë politike, e më vonë edhe si deputet i Republikës së Kosovës, ku ka qenë zë i qytetarëve të Obiliqit që për vite e vite janë harruar, duke jetuar në këtë pluhur e në këtë tmerr atmosferik.
E një gjë që duhet me u thënë është edhe mënyra se si po sillet me administratën dhe njerëzit që punojnë në Komunë. Sot punëtorët ndihen më të lirë me folë, me dhënë mendimin e tyre dhe me propozuar ide, sepse çdo mendim i secilit ka vlerë në sytë e Kryetarit. Nuk është ajo mendësia “unë jam kryetari e ti je veç punëtor”. Përkundrazi, po mundohet me i dëgjuar njerëzit, me i respektuar dhe me i bërë pjesë të punës.
Kur një administratë ndihet e respektuar dhe e lirë me dhënë mendimin e vet, edhe puna për qytetarin bëhet më e mirë. Kjo është një pjesë e punës që nuk shihet gjithmonë në fotografi e në Facebook, por shihet brenda Komunës dhe te njerëzit që punojnë aty çdo ditë.
Por tash një kohë të gjatë po shohim disa faqe nga Obiliqi, e edhe disa mediume jashtë Obiliqit, duke u munduar me e zhvendosë vëmendjen prej punës së tij, duke u marrë me jetën private dhe me gjëra që shpesh janë të pavërteta.
Politika bëhet me argumente. Nëse keni ku me u kapë për punën e tij, flisni për punën. Nëse keni kritika për Komunën, bëjini publike dhe argumentojini. Por mjaft me shpifje e me sulme personale, sepse ato nuk i bëjnë mirë askujt, e më së paku Obiliqit.
Halil Thaçi nuk ka ardhur këtu duke i shtyrë njerëzit apo duke i detyruar me e mbështetë. Ka ardhur këtu përmes punës dhe meritës së tij, sepse qytetarët e Obiliqit e kanë parë kush ka qenë pranë tyre ndër vite.
E mos ta harrojmë një gjë: Obiliqi nuk është më ai i dikurshmi. Sot ka njerëz që po punojnë, po kërkojnë ndryshim dhe po kërkojnë që qyteti i tyre të mos harrohet më.
Nëse doni me e luftu politikisht Halil Thaçin, luftojeni me punë, me projekte dhe me argumente. Jo me shpifje, jo me familje e jo me jetën private.
Obiliqi ka nevojë për punë, jo për baltë politike
