Dua të ju falënderoj shumë të gjithëve që e pritët kaq mirë librin “Shpresë”. Jam befasuar shumë nga interesimi i madh dhe më keni bërë jashtëzakonisht të lumtur. 
Kam bërë vetëm pak kopje, më shumë për familjarët, dhe nuk e kam menduar që do të mbaronin kaq shpejt. Shumë prej jush më keni shkruar për librin dhe më vjen shumë mirë që ka kaq interesim.
Për momentin, libri im nuk është në shitje. Në atë libër kam përfshirë një pjesë të historisë sime dhe nuk më duket e arsyeshme ta nxjerr në shitje. E di që shumë prej jush jeni të interesuar dhe më vjen keq që nuk po mundem t’ua dhuroj të gjithëve.
Por shumë shpejt do të bëj edhe disa kopje të tjera dhe libri do të ketë për të gjithë. Ndoshta do të ishte më e lehtë për ju ta gjenit në librari, por për momentin ende nuk e kam vendosur ta nxjerr në shitje. Nëse një ditë vendos ta bëj këtë, padyshim që do t’ju lajmëroj.
