Shqiptarët e dijnë mirë dhe nuk ka arsye për asnjë sqarim, por “arnautëve” duhet tu rrihet mbi kokë se mund të jenë në gjumë për shkak të agjerimit islamomadh, se gjerat janë tepër të lidhura me luftën për pushtimin rusomadh të Ukrainës me provokimet luftarake në Bosnjë dhe gjithandej ku kufizohet Serbia me Kosovën, madje edhe Mali i Zi etj.
Agjencia e lajmeve Reuters raportoi të enjten në mëngjes se presidenti rus Vladimir Putin thuhet se ka urdhëruar liderët e tij ushtarakë që të mposhtin forcat ukrainase në rajonin perëndimor të Kursk sa më shpejt të jetë e mundur, pasi Shtetet e Bashkuara i kërkuan atij të shqyrtonte një propozim armëpushimi 30-ditor.
“Detyra jonë në të ardhmen, e afërt, në kornizën më të shkurtër të mundshme, është të mposhtim armikun e vendosur në rajonin e Kurskut (…) Dhe sigurisht, ne duhet të mendojmë për krijimin e një zone sigurie përgjatë kufirit shtetëror”, u tha Putin gjeneralëve, sipas një deklarate.
Kërkesat e përgjithshme
Burimet i përshkruajnë kërkesat si të përgjithshme. Ato gjithashtu pritet të jenë të ngjashme me kërkesat që Rusia i ka bërë më parë Ukrainës, SHBA-së dhe NATO-s.
Këto kërkesa kanë përfshirë që Ukraina të mos lejohet të bëhet anëtare e NATO-s, që asnjë ushtar i huaj nuk mund të vendoset në Ukrainë dhe njohjen ndërkombëtare të aneksimit nga Rusia të gadishullit të Krimesë dhe rajoneve Donetsk, Kherson, Luhansk dhe Zaporizhia.
Të mërkurën, zëdhënësi i Kremlinit Dmitry Peskov tha se Rusia dëshiron më shumë detaje rreth bisedimeve të SHBA me Ukrainën përpara se të komentojë mbi këtë çështje.
Mbrëmë, Asambleja Kombëtare e Republikës Sërbska miratoi një vendim për të vazhduar me miratimin e një kushtetute të re të kësaj njësie në Bosnje-Hercegovinë. Vendimi detyron Komisionin e Asamblesë Kombëtare për Çështjet Kushtetuese të hartojë kushtetutën e RS sa më parë të jetë e mundur dhe ta paraqesë atë në Asamblenë Kombëtare. Vendimi i miratuar hyn në fuqi ditën e miratimit të tij. Pas këtij sesioni, një tjetër është caktuar me qëllim miratimin e një drafti të një kushtetute të re. Seanca do të mbahet sot dhe në rendin e ditës, përveç projekt-kushtetutës, do të përfshijë edhe një projekt-ligj për mbrojtjen e rendit kushtetues të RS, propozuar nga Milorad Dodik, i cili u dënua në fund të shkurtit përpara Gjykatës së BiH me një vit burg dhe një ndalim gjashtëvjeçar për kryerjen e detyrave të presidentit të njësisë për mosrespektimin e vendimeve të Përfaqësuesit të Lartë në BiH. Opozita iu kundërvu vendimeve të reja, duke paralajmëruar për “premtime të rreme” se presidenti amerikan Donald Trump do të mbështeste Republikën Srpska. (Slobodna Bosna)
