Mimoza Rexhvelaj : Kam me të lanë nji ditë

Kam me të lanë tha nji ditë

e puthjen teme s’ke me gjet ma,

as sytë që t’shohin si dritë

as buzët që etja i mban gjallë.

Kam me të harrue nji ditë,

nuk kam me kenë ma zgjimi jot

as lutja që lutet në shpirt

as loti i mallit që s’e ndala dot.

Kam me ta lanë nji ditë tek pragu

Dashnin teme t’ çmendun në ty

Atëherë ke me pa vetveten djegun mallit

tuj lypë me u fikë në shpirt e në sy.