Kozeta Zavalani : Mirë se vjen, Mars

Mirë se vjen, Mars

Mirë se vjen, o Mars i butë grash,

me hapa drite mbi bar të njomë,

me frymë pranvere që zgjon tokën

nga ëndrra e gjatë e dimrit të ftohtë.

Ti vjen me buzëqeshjen e diellit,

që rreh lehtë mbi dritare,

si një premtim i artë në agim,

që zemrës shpresë të re i fale.

Ti vjen me hapin e grave të forta,

me zërin e tyre që s’dridhet në stuhi,

me duart që ndërtojnë botën

dhe zemrat që falin pafund dashuri.

Unë linda në muajin Mars,

në muajin e ëndrrave që marrin krahë,

prandaj në gjakun tim rrjedh pranvera,

dhe në zemër mbaj diellin që ndrin ngaherë…

Kozeta Zavalani