KUR SHQIPTARI I HYP INATIT

Shkruan: Faruk Tasholli

(Satirë e perseritur)

S’di çka bahet e s’di çka hahet

A Tomorri në dysh çahet,

Kur shqiptari i hyp inatit

Don Kishot n’shpinë t’Rosinantit?!

E shalon a ia shalojnë

A n’qylyma udhët ia shtrojnë,

Mbi inat të shkojë kalur

Ka a s’ka mbi lumë kund urë?

Dhe nuk ndalet që nuk ndalet

Gropon fushat rrafshon malet,

S’di kush çon kry ma i pari

Prin inati a vetë shqiptari?!

N’shtatë krahina i ndihet troku

Përtej detesh s’i gjendet shoku,

Kur zen gjumi shqiptar-ngratin

N’shtrat me vete merr inatin!

Po i the nisu në vend ndalet

S’ia ndien hiç ky vend a kallet,

Çelë humnerat n‘pikë të ditës

Mu në Shesh të Republikës!