MASHTRUESIT E GRENELLIT
Shkruan :Refiqe R. Hamiti
Këta po i përulen dikujt që po e bën Kosovën paqaver sepse edhe jasht çdo funksioni:
Grenell po shet mend .
Këta po ia blejnë ” mendët” Grenellit .
Albini nga sot po hesht… sepse heshtja është flori
Luftë e ripërsëritur,kush do të dështojë?
Vjosa po e mat vetën, a me formue parti tē re?
LDK po bëhet blerësja më e madhe e “mendëve”.
PDK po luan poker.
AAK po pret me kcye hopa.
Prandaj :
Në këtë treg të madh fjalësh të vogla, mendja shitet me kilogram dhe blihet me duartrokitje.
Dikush përkulet, dikush shet “urtësi”, e dikush tjetër e blen votën si të ishte mall në zbritje.
Njëri, edhe jashtë çdo funksioni, sillet si pronar i skenës flet, shpall, orienton.
Këta këndej shiten dhe mashtrohen …
Të gjithë po rreshtohen si nxënës të zellshëm, duke ia blerë “mendët” pa faturë, pa garanci.
Dhe në mes të kësaj zhurme… e që duhet një heshtje e artë:
nga Albin Kurti …
Sepse ndonjëherë heshtja nuk është flori është kalkulim.
Lufta përsëritet, jo për ideal, por për renditje në listën e radhës.
Kush do të dështojë?
Pyetje naive… sepse gjithë kjo lojë nuk bëhet për të fituar qytetari, por për të mos humbur pushtet.
Njëra mat veten në pasqyrë politike: a jam mjaft për një parti të re?
Tjetra blen “mendë” me shumicë, si tregtar që ka frikë nga mungesa e stokut.
Njëri luan poker me karta që i njeh vetëm vetë.
Mbretresha e hollë …
Tjetri pret momentin për “hop”, sikur politika të ishte lojë fëmijësh me radhë.
E publiku?
Publiku duartroket, zemërohet, harron… dhe prapë beson.
O sa të banë i ligu, qëllon i forti !?
P.S.
O opozitë dhe ju pozitë , mos u bëni klientë të mendëve të huaja se në fund del që s’keni as mendë tuajat, as fytyrë për me kërkuar llogari.
Populli sheh,
dëgjon,
dhe pret…
deri kur?
-Deri te kutia e votimit…Pastaj ky qershori i 2026 , ka me u ba përshesh .
