Të më shohësh…!

Të më shohësh…!

Të më shohësh me ëmbëlsi.

Mos u shqetëso,në dua të flas

apo,në heshtje të zhytem.

Dashuria jote,më ngre lart

në qiell më shpie.

Prezenca jote,është dritë.

Bota merr shkëlqim.

Sepse i dashur,je thesar

dhe unë,ëngjëlli mbrojtës.

Më thuaj dhe sonte të dua,

mos mendo që më lodh.

Akoma dhe kur dukem e fortë

bëhem kaq e vogël,që të nxë

në dashurinë tënde me shpirt.

Je njeriu që dua.

Më thuaj,që jam stacioni i fundit

për ty.

Je i veçantë,brënda në përqafimin

tënd,do të fshihem si fëmijë.

Bëhem vajzë e vogël

Pa egoizëm.

Shkëlqejnë sytë e mi

si dy gurë të çmuar.

Më jep forcë,dëshirë për të jetuar!!

Çerazela Kondi,26 Shkurt,2026,Athinë!!