TË LUTEM “MË FAL”
Të lutem “më fal”
nëse nuk kam ditur të të dua
ashtu siç ti paske dashur,
që shpeshherë jam ngulfatur nga laku i zhgënjimit që kurrë nuk hollohej
por vinte veç duke u trashur,
të lutem “më fal”
nëse kurrë s’ të kam përfshirë
në dhembjet e hidhërimet e mia,
të lutem “më fal” që kurrë s’ paske kuptuar
se gjithherë shkojnë ngjeshur të dyja, dashuria dhe xhelozia!
Të lutem ‘më fal”
që me vite si shekuj,
vetëm për ty kanë qenë lutjet dhe ëndrrat e mia,
të lutem ” më fal”
që nga ti mësova se çfarë ngjyre ka dhe çfarë është në gjendje të t’ bëjë pabesia,
të lutem “më fal”
për çdo lindje e perëndim dielli që m’ kaloi,
duke të pritur që bashkë ta shijojmë,
të lutem, shpirti im,”më fal” që ndamë rrugët,
duke mos ditur as vetë se nga po shkojmë!
Të lutem “më fal”
që me ty kam qenë aq e lumturuar,
e kjo gjë ndoshta t’ ka penguar,
të lutem “më fal’
që çdoherë zëri yt n’ veshët e mi
si këngë me violinë ka tingëlluar,
të lutem “më fal’
që shpeshherë kur më ke ardhur në befasi
nga gëzimi e ngashërimi kam qeshur e qarë me lot,
e më së shumti “më fal”
që s’mundja të frenohem
e humba edhe veten time
duke të t’ dashur e krahasuar
