Shkruan Kimete Berisha
1. Për tutën kurrë nuk ka pasur ilaç, por Presidentes Osmani i ka dalë ilaç nga frika prej Llabanit…
– Se tash, Ajo po e konsideron urgjencë shtetërore Vendimin ligjor të ‘kriminelit serb’ për konstituimin e Kuvendit, sepse edhe Llabani ‘i rrezikshëm për sigurinë kombëtare’
ka vendosur krah për krah me partizanët shqiptarë…
– Unë kam besuar gjithmonë në heroizmin e saj, dhe e kam ditur se ajo nuk di ç’është tuta, pra është tutë gabimisht sepse…
Vjosa nuk është frikësuar nga babai i saj kur ka punuar në Mbrojtjen Popullore të Jugosllavisë…
atëherë kur djemtë shqiptarë ktheheshin në arkivole nga shërbimet ushtarake…e po t’tutët nga një ‘hajn i cigarete Marlboro’!
2. Gjykata Kushtetuese po kalon nëpër një fazë luhatjesh emocionale.
– Duket ndjenjë e lehtë për t’u tejkaluar, kjo, por s’është:
ajo që deri dje për ta ka qenë ligjore, tani u duket joligjore…
gjithçka varet nga emocionet…
– Të dua, s’të dua…ky është Neni kryesor i shpirtit…
– Sipas burimeve të mia, Sami Lushtaku nuk e ka shkruar atë Aktgjykim.
– Mos m’u hidhëroni, ama kur i lexon emrat e këtyre gjyqtarëve të krijohet përshtypja …ndonjë grup ‘iranian’…
– E, përgjigjen e kanë përgatitur me simbole që e kundërshtojnë njëra-tjetrën, si Ylli që e përjashton-Hënën;
sepse ashtu siç ndjehen të palumtur dhe të pavendosur, ashtu edhe duket Vendimi i tyre,
i papjekur…emocionalisht.
3. E Hashim Thaçit ia kanë ndaluar 11 vizitorë.
– Pse bash 11-të…kur kanë mundur…100.
– Jo bash si tek ’11 minuta’ i Paulo Coelho…në një botë të udhëhequr nga apatia dhe indiferenca…
se personazhja e Coelho ka tjera gajle….
– Ata që janë ndaluar ta takojnë Hashim Thaçin në burgun e Hagës, do të ishte mirë edhe t’i burgosin, pasi që i kanë gjykuar pa gjyq.
– Pajtohem vetëm njërit që ia kanë ndaluar…, zotëri Ibrahim Çakalla, sepse çifti i tij të merr në qafë!
– Pse?
– Sepse flet pa pushim, anipse s’është as dijetar, as pleqnar, as filozof.
– Ai…ai
Është mashkull-ndjenjë…!
– Gjykata e Hagës është treguar e padrejtë sidomos ndaj vizitorëve që quhen ‘Milaim-a’, sepse krejt Milaima-t i kanë ndaluar ta vizitojnë Hashim Thaçin në burg.
– E Milaim do të thotë: ‘Ushqim i Hënës’!
4. Hëna duket e bukur por s’është e qetë:
e keni dëgjuar ju tingullin e saj të frikshëm, brtima e saj e shkatërron edhe tregimin më të bukur të dashurisë,…
…se sa më ‘përtesë’ e me protestë ekziston.
– Dëgjojeni Hënën:
Ajo ulërin më shumë se Dielli që digjet për Të!
5. Derisa Hashim Thaçi është në burg, korzo e Veriut të Mitrovicës u bë ‘bashkim-vëllazërim’…bash qysh s’ka pasur qejf Ai…
-….promenadë verë,
– në njërën anë këndon Dino Merlin:
‘Në këtë moshë, as dashuria më nuk është ngadhënjim’,
– e në anën tjetër Yll Limani i dezinformon të dashuruarit me vargun:
‘Sa më larg syve, më afër zemre’.
– Shqiptarë e serbë duke shetitur tok, të lumtur…
e mua më shumë më pëlqen Dino, përkundër faktit që jam patriote …
– Si para luftës.
6. E kam lënë për asgjë…se Gjithmonë kam pasur qejf ta heq nga fjalori fjalën ‘shëtitje’ sepse s’është normale të thuash ‘po shëtis’…’U ktheva nga shëtitja’!
– Vetëm shqiptarët shëtisin.
Ecjen tutje e tehu…anglisht nuk e gjen!
7. Mua Mitrovica më duket, si Dantes – Florence: ‘Mother of little Love’.
8. Hykmete Bajrami duket si tel i shpluar i rrymës, ndërsa sillet si pronare e fabrikës së keksave, që i mbron bizneset që janë mësuar të paguajnë rrymë badihava…
– Ajo dridhet kur flet për rrymë, emocionohet, sepse ende nuk ka qenë në Mitrovicën e Veriut, për ta parë se jo rryma ‘e Albin Kurtit’, por aty ka edhe policë shqiptarë…mbishkrime shqip, dyqane dhe restorante shqip…
– S’di çka u bë:
Edhe serbët shëtisin Jugut…
pra, është njëfarë qetësie e çuditshme…
sidomos për neve të Veriut që e kemi përjetuar luftën…duket…
qetësi e dyshimtë!
9. Unë isha duke ecur autoudhës, pasi që e lash veturën në servis, dhe meqë nuk më zihet vendi – vend dhe se e kisha harruar në banesë librin ‘Si të heshtësh’, dola të ‘ecë’ …
– Pasi që rrugës kishte motele, ndjehesha e ngushtuar, mos po ‘kujtojnë’ shqiptarët diçka keq për mua…
por u qetësova pasi m’u kujtua se meqenëse kisha veshur fustan të bardhë, mund të kujtonin që jam ‘pronare e moteleve’, e jo vizitore…
dhe ky mendim më qetësoi, paksa.
– Prej të gjithë shoferëve të automjeteve, shoferët e kamionëve më së shumti ua dinë kimetin femrave të bukura…
aq shumë e tërhoqa vëmendjen e kamionxhive, sa që u ndjeva si portret i kalendarëve vjetor të viteve të nëntëdhjeta në kamionët e tyre…
– Stina: Dimër, Unë: me fustan prej dëbore).
10. Disa burra po më lusin t’i zhbllokojë nga Facebook-u.
Ata po betohen se kurrë më nuk do të gabojnë, veç siç dua unë do të më komentojnë…
– Kërkesat e tyre jam duke i rishqyrtuar.
P.S. Nesër:
Dita e Re – Nafaka e Re!
