“Greenfungo” në Vushtrri, e cila merret me grumbullimin dhe përpunimin e produkteve pyjore të egra, jo drusore, është përfituese e subvencionit të paneleve solare për prodhim të energjisë për vetëkonsum – një nga tre skemat mbështetëse që qeveria jonë, me përkrahjen e Bashkimit Evropian, i ka ofruar për efiçiencën dhe sigurinë e energjisë së bizneseve. Mbi 90% të prodhimit kjo kompani e eksporton në vendet e Evropës Perëndimore. Pronari njoftoi se, si rezultat i instalimit të paneleve solare, shpenzimet e energjisë elektrike janë ulur 30% deri në 50%.
Qeveria jonë është e përkushtuar që t’i ulë kostot operacionale të bizneseve vendore prodhuese dhe njëkohësisht t’u ndihmojë atyre që të gjejnë sa më shumë tregje ndërkombëtare për këto prodhime, të cilat janë edhe cilësore edhe të shëndetshme. Falënderojmë bizneset për punën dhe kontributin e madh për ekonominë e vendit dhe Bashkimin Evropian për mbështetjen e vazhdueshme për zhvillimin e vendit.
