44
Bruna Gjoni Pervathi
Dashnitë
Të tana dashnit janë dashni
Edhe kur idhnohen prej moti
Edhe kur t’plagojn pa hiri
Edhe kur shkojn t’lodhuna prej udhe
Edhe kur prej qielli vijnë
Edhe kur veç prej syve mbijnë..
Të tana dashnit mbeten dashni
Edhe kur varen n’maj gjylpanës
Edhe kur ta plasin grim’n e shpirtit
Edhe kur ta blujn mallin si n’mullinin e drithit
Edhe kur t’lan me duar n’gji
Edhe kur n’rrazë t’portës t’bajn hi
Asnji dashni nuk asht ma pak se dashni
Gjithsecila prej tyne ta ban nji bir n’asht
E t’mbetet n’tana jetët…
