29
O I SKËTERRAVE KËLYSH
A thua , kujt i ke ngjarë
O njeri i përdalë, ndërgjegje palarë
Apo nuk di se nga ke farë?!
Nuk të mjaftoi atdhedashuria
S’ të mjaftoi besnikëria
S’ të mjaftoi trimëria, gjithë Shqiptaria,
Të verboi grykësia, ndytësia?!
Shite atdhe, komb e fe
Harrove nga je le?!
Shëtit botën cep më cep
Atdheun tënd ta fusësh në grep.
Përdhos histori, lavdi
Shëllirë lotë nënash si shi
Diell të vrarë në sy fëmijësh ngri
Trupa të gjymtuara heronjsh në mal e vërri
Gjakpirës arbërorësh për të ngi;
Ky truall të dha frymë, të mbajti në gji
E shite, lugat, për katandi!
Mbi kokë të rëntë mallkimi,
Nga sytë të humbtë dritërimi,
Trupi t’ u ndaftë në dysh
O i skëterrave këlysh!
VIOLETA KADRIU, 2026,KOSOVË
