95
Nga : Ferdane Sahiti
QESH E QAJ
Qesh e qaj me veten teme
Baj çudi me këto ndjenja
Prej dikujt që e do fort
Si mundet me u tremb zemra?
Jam e trembun, jo e padashtun
Du me t’folë po s’kam guxim
Prandaj qaj, edhe qesh
Se kjo heshtje asht trishtim
Dardonfilja ma e bukur
Ti nji ditë lulëzon dashni
Ka me ardhë stina jote
Se t’ujita me lot’t e mi
Sikur pema e ngrime n’dimën
Që pranverën pret me dalë
Njiashtu t’pret ty kjo zemër
Në takim nji ditë me ardhë
Qesh e qaj me veten teme
Me këto ndjenja baj çudi
Pse zemra trembet me i folë
Zemrës për t’cilën ndien dashni.
