Me Mbretërinë e Bashkuar na lidhin vlera e parime të përbashkëta demokratike.
Mbrëmë Kryeministri Kurti prit në një darkë pune Sekretarin e Shtetit për Punë të Jashtme të Mbretërisë së Bashkuar, David Lammy dhe të Dërguaren e Posaçme për Ballkanin Perëndimor, Karen Pierce, të cilëve iu shprehu mirënjohjen e thellë për kontributin dhe mbështetjen ndaj vendit tonë përgjatë të gjitha etapave të shtetndërtimit dhe miqësinë e partneritetin e ngushtë mes dy vendeve tona.
Biseduan mes tjerash për progresin demokratik dhe zhvillimin ekonomik që ka njohur vendi ynë gjatë këtij mandati qeverisës dhe objektivat e synimet parësore të Republikës së Kosovës për anëtarësim në NATO, Bashkim Evropian dhe në Këshillin e Evropës.
Gjithashtu, Kryeministri Kurti i uroi edhe për pritjen e Samitit të Procesit të Berlinit këtë vit nga ana e Mbretërisë së Bashkuar e për të cilën i ofroi bashkëpunimin për ta bërë këtë samit sa më të suksesshëm.
