40
Nëse….?
Nëse qëndroja përballë teje
tani,duke të parë në sy,
cila do të qe fjala e parë
që do të më thoje?
Ndoshta s’do të thoje asgjë.
Ndoshta,reagimi i parë
të qe heshtja,që do të fliste
për gjithçka mban brënda teje.
Ndoshta një buzëqeshje
që ndryshon çdo gjë.
Ndoshta një shikim
që zbërthen,gjith pyetjet.
Ndoshta,do të qe një…
“Të ndjeja shumë,dhe kur
më mungoje”
Ose thjesht,një ” Më në fund”
Mjaftueshm,që të shkëlqejnë sytë.
E vërteta është që asgjë
nuk ka më rëndësi.
Ajo që ka rëndësi,është dridhja
që ekziston pas ndjenjave.
Disa fjalë,nuk thuhen me zë.
Thuhen me zemër.
Dhe nëse qëndroja para teje tani
për ty,do të fliste zemra.
Gabimet,nuk i ndryshojnë ndjenjat.
Mundet që mëndja të revoltohet.
Por zemra,
akoma interesohet!!
Çerazela Kondi,13 Prill,2026,Athinë!!
