Autoritetet gjermane kanë marrë vendim, pas insistimeve të shumta të ambasadës së Kosovës në Berlin, që në dokumentat e shtetasve të Kosovës më të mos shënohet shtetësia e Serbisë.
Ministria e Brendshme e Gjermanisë u ka dërguar një Qarkore të gjitha landeve, komunave dhe zyrave të gjendjes civile, ku kërkohet që shtetasit e Kosovës më të mos shënohen si shtetas të Serbisë.
Të gjithë ata që e kanë këtë problem, duhet të drejtohen në zyrat përkatëse në vendin ku jetojnë dhe ky problem do të rregullohet.
Këtu më poshtë e keni Qarkoren e plotë, të cilës mund t’u referoheni kur të shkoni në zyrat përkatëse. Këtë dokument mund ta gjeni edhe në faqen e Ambasadës së Kosovës në Berlin dhe të ambasadorit Faruk Ajeti.
