Të dashur bashkëkombas, kudo që jeni,
Sot, nga zemra ime që rreh me të njëjtin ritëm me tuajën, me gjithë shpirti e përplot emocion, ju uroj Gëzuar Ditën e Flamurit!
Çdo valvitje e çdo rrahje e këtij flamuri të kuq në qiell prek zemrat tona, kujton sakrificat, krenarinë dhe shpresën e pashuar ndër shekuj të shqiptarëve.
28 Nëntori është kujtesa jonë e përbashkët, simboli i lirisë dhe sakrificës. Nga Kruja te Vlora, nga Prekazi te UÇK-ja, historia jonë është shkruar me guxim, me dhimbje dhe krenari.
Andaj sot e mot, le të qëndrojmë të bashkuar, sepse zemrat që rrinë bashkë nuk ndahen kurrë.
Rreth një kombi, një historie, një flamuri dhe një ëndërre që jeton e gjallë në çdo zemër shqiptari .
Me besën e Zotit dhe punën tonë të pandalshme, do ta çojmë kombin tonë përpara, të lirë, të bashkuar , të respektuar dhe krenar ndër kombet e botës.
Zoti e bekoftë përjetë kombin shqiptar.
Gëzuar!
